Μορφή αναζήτησης

يّتّ سْتْي 28

سّرّشّدُبّيٍ سٌسٍيٍ

1«عِ شَ عِ تَارَ هَرُنَ تٌنفٌ عِسِرَيِلَكَيٍ يَ مَ، عَ نُن عَ شَ دِيٍ نَدَبٌ، عَبِهُ، عٍلٍيَسَرِ، نُن عِتَمَرِ، عٍ شَ سّرّشّدُبّ وَلِ رَبَ ﭑ بّ. 2عِ شَ سٌسٍ سّنِيّنشِيٍ دّفّ عِ تَارَ هَرُنَ بّ، نَشٍيٍ عَ شَ كُنتِفِيَ نُن عَ بِنيّ مَسٍنمَ. 3عِ شَ نَ وَلِ سٌ مِشِيٍ يِ رَ ﭑ نَشٍيٍ كِشِ شَشِلِ قَنيِ رَ، نَشَن عَ نِيَمَ عٍ شَ قَتَ. عٍ شَ هَرُنَ شَ سّرّشّدُبّ سٌسٍيٍ دّفّ، عَلَكٌ عَ شَ تِ ﭑ مَ سّرّشّدُبّ وَلِ رَ. 4سٌسٍيٍ نَن يِ كِ عٍ نَشٍيٍ دّفّمَ؛ دٌنمَ كَنكٍ رَشُنمَسٍ، دٌنمَ كُيٍ، تُنكِ رَشُنمَسٍ، دٌنمَ كُيٍ بُن مَفٌرٌي مَسْشْشِ، شُنمَسٍ نَشَن دْشْمَ عٍ شُنيِ مَ، نُن بّلّتِ. عٍ شَ نَ سٌسٍ سّنِيّنشِيٍ يَءِلَن عِ تَارَ هَرُنَ نُن عَ شَ دِيٍ بّ، عَلَكٌ عٍ شَ سّرّشّدُبّ وَلِ رَبَ ﭑ بّ.»

5«دٌنمَ دّفّمَيٍ شَ فّسّ فّرّ دَاشِ، فّسّ بُلُ دَاشِ، فّسّ فبٍيلِ، فّسّ شّيمَ دَاشِ، نُن سُوَ دُفِ مَلَن. 6عٍ شَ دٌنمَ كُيٍ دّفّ فّسّ فّرّ دَاشِ، فّسّ بُلُ دَاشِ، فّسّ فبٍيلِ، فّسّ شّيمَ دَاشِ، نُن سُوَ دُفِ رَ. عَ شَ قِندِ وَلِ تٌقَنيِ رَ. 7عٍ شَ تُنكِ رَشُنمَسٍ قِرِن يَءِلَن، عٍ شَ عٍ دّفّ دٌنمَ كُيٍ مَ. 8بّلّتِ قَن شَ يَءِلَن فّسّ فّرّ دَاشِ، فّسّ بُلُ دَاشِ، فّسّ فبٍيلِ، فّسّ شّيمَ دَاشِ، نُن سُوَ دُفِ رَ عَلْ دٌنمَ كُيٍ. 9عِ شَ عٌنِشِ فّمّ قِرِن تٌنفٌ، عِ قَ يَشُبَ شَ دِيٍ شِلِيٍ مَسٌلِ عٍ مَ 10عٍ بَرِ كِ مَ. شِلِ سٍننِ مَسٌلِ فّمّ كٍرٍن مَ، شِلِ سٍننِ مَسٌلِ فّمّ بٌورٍ قَن مَ. 11نَ فّمّ مَسٌلِشِ قِرِنيِيٍ قِندِ مَ وَلِ تٌقَنيِ رَ، عَلْ سّبّلِ مَسٌلِمَ شُرُندّ مَ كِ نَشّ. عِ شَ شّيمَ سَ عٍ رَبِلِنيِ مَ، 12عِ قَ نٍيٍ دّفّ تُنكِ رَشُنمَسٍيٍ مَ، عٍ شَ قِندِ حْشْ رَ سِفَ سٍيٍ رَ عِسِرَيِلَ دِيٍ شَ قٍ مَ. نَ كِ هَرُنَ قَمَ عٍ شِلِيٍ رَ ﭑ يَ عِ، عَ شَ قِندِ دُبّ رَ. 13عِ نَ شّيمَ سَ عٍ رَبِلِنيِ مَ، 14عِ شَ لُوتِ دِيٍ يَءِلَن شّيمَ رَ نَشٍيٍ فبَكُمَ عٍ رَبِلِنيِ مَ.»

15«عِ شَ سّرّشّدُبّ دٌنمَ كَنكٍ رَشُنمَسٍ يَءِلَن عَ تٌقَنيِ كِ مَ. عَ قِندِ مَ كِيتِ سٍ نَن نَ. عِ شَ عَ يَءِلَن فّسّ فّرّ دَاشِ، فّسّ بُلُ دَاشِ، فّسّ فبٍيلِ، نُن سُوَ دُفِ رَ عَلْ دٌنمَ كُيٍ يَءِلَنشِ كِ نَشّ. 16عَ شَ كُيّ نُن عَ شَ عِفبٌيَ شَ قِندِ سُشُي كٍرٍن نَ. عَ شَ قِندِ دُفِ قِرِن نَ، عَلَكٌ عَ شَ قِندِ يُبَ رَ. 17عَ شَ رَشُنمَ فّمّ تٌقَنيِيٍ سَقّ نَانِ رَ. سَقّ سِنفٍ قِندِ مَ فّمّيٍ نَن نَ، نَشٍيٍ شِلِ سَرِدُوَنِ، تٌثَسِ، نُن عٍمٍرٌدٍ. 18سَقّ قِرِن ندٍ، عٍسِكَرِبُكُلُ، سَقِرِ، نُن دِيَمَن. 19سَقّ سَشَن ندٍ، عٌثَلٍ، عَفَتِ، نُن عَمٍتِسِتٍ. 20سَقّ نَانِ ندٍ، كِرٌ سٌلِتٍ، عٌنِشِ، نُن يَسِثٍ. عِ شَ شّيمَ سَ نٍيٍ بِرِن رَبِلِنيِ مَ. 21عِسِرَيِلَ شَ دِيٍ شِلِيٍ شَ مَسٌلِ نَ فّمّ قُ نُن قِرِن مَ، عَلْ سّبّلِ مَسٌلِمَ شُرُندّ مَ كِ نَشّ. كَنكَن شِلِ شَ مَسٌلِ فّمّ ندٍ مَ. عٍ قِندِ مَ عِسِرَيِلَ بْنسْي قُ نُن قِرِنيِ مَتْنشُمَ سٍ نَن نَ. 22عِ شَ لُوتِ دِيٍ دّفّ نَ دٌنمَ كَنكٍ رَشُنمَسٍ مَ، نَشٍيٍ يَءِلَنشِ شّيمَ رَ. 23عِ شَ شُرُندّ قِرِن يَءِلَن شّيمَ رَ، عِ شَ عٍ دّفّ دٌنمَ كَنكٍ رَشُنمَسٍ مَ عَ دّ كِرِ قِرِنيِيٍ مَ عَ قُفٍ رَ. 24نَ لُوتِ شّيمَ دَاشِيٍ شَ شِرِ نَ شُرُندّ قِرِنيِيٍ مَ، نَشٍيٍ دّفّشِ دٌنمَ كَنكٍ رَشُنمَسٍ دّ كِرِ مَ. 25عِ مَن شَ نَ لُوتِ قِرِنيِيٍ شِرِ دٌنمَ كُيٍ تُنكِ رَشُنمَسٍيٍ مَ.»

26«عِ شَ شُرُندّ قِرِن فبّتّ يَءِلَن شّيمَ رَ، عِ نَشٍيٍ دّفّمَ دٌنمَ كَنكٍ رَشُنمَسٍ دّ كِرِيٍ مَ عَ لَبٍ رَ. عِ شَ نٍيٍ دّفّ دٌنمَ كُيٍ سّيتِ مَ. 27عِ شَ شُرُندّ قِرِن فبّتّ يَءِلَن شّيمَ رَ، عِ نَشٍيٍ دّفّمَ تُنكِ رَشُنمَسٍيٍ لَنبَنيِ مَ، دّننَشّ عِلَنمَ بّلّتِ رَ. 28دٌنمَ كَنكٍ رَشُنمَسٍ شَ شِرِ دٌنمَ كُيٍ مَ لُوتِ فّرّ دَاشِ رَ نَشَن نَسٌمَ شُرُندّيٍ كُي نَشٍيٍ دّفّشِ دٌنمَ كَنكٍ رَشُنمَسٍ نُن دٌنمَ كُيٍ مَ.»

29«هَرُنَ نَ سٌ هْرْ مْلِنفِرَ كُي، عِسِرَيِلَ بْنسْي شِلِ بِرِن سّبّشِ عَ شَ دٌنمَ كَنكٍ رَشُنمَسٍ مَ، نَشَن سَشِ عَ كَنكٍ قَرِ سٌندٌنيِ يَءِلَنيِ، عَ قِندِ مَ دُبّ رَ عَلَتَلَ بّ عِسِرَيِلَ شَ قٍ رَ تّمُي بِرِن. 30عِ شَ فّمّ قِرِن سَ نَ دٌنمَ كَنكٍ رَشُنمَسٍيٍ كُي، نَشَن سَشِ هَرُنَ كَنكٍ قَرِ سٌندٌنيِ مَبِرِ. نٍيٍ قِندِشِ عَلَ وَشْنقٍ مَسٍن سٍ نَن نَ. هَرُنَ نَ سٌ عَلَتَلَ يِرٍ، عَ نْمَ عَلَتَلَ وَشْنقٍ كٌلٌندٍ عِسِرَيِلَكَيٍ شَ قٍ رَ نٍيٍ سَابُي رَ.»

31«عِ شَ سّرّشّدُبّ شَ دٌنمَ كُيٍ بُن مَفٌرٌي سْشْ فّسّ فّرّ دَاشِ رَ. 32عِ شَ عَ شُنيِ رَ سٌدٍ شَبَ عَ تَفِ، عِ شَ نَ سٌدٍ دّ مَسْشْ، عَلَكٌ بْودٍ يٌ نَشَ لُ عَ مَ. 33عِ شَ عَ رَشُنمَ ثِرِنتِ فّرّ دَاشِ، بُلُ دَاشِ، نُن فبٍيلِ رَ نَشٍيٍ مِسَالِشِ وُرِ بٌفِ رَ عَ رَبِلِنيِ بِرِن مَ. عِ شَ تْلْنيِ شّيمَ دَاشِيٍ دّفّ نَ ثِرِنتِيٍ تَفِ، 34عَلَكٌ تْلْنيِ ندٍ شَ لُ وُرِ بٌفِ بِرِن تَفِ نَ دٌنمَ كُيٍ بُن مَفٌرٌي سَنبُنيِ بِرِن مَ. 35هَرُنَ نَ عَ رَفٌرٌ عَ مَ عَ سٌ تّمُي نُن عَ مِنِ تّمُي عَلَتَلَ شَ هْرْ مْلِنفِرَ كُي، نَ نَن عَ رَتَنفَمَ قَشّ مَ.»

36«عِ شَ شّيمَ يَءِلَن، عَ سّبّ عَ مَ، ‹عَلَتَلَ فبٍ›، 37عِ قَ عَ شِرِ شُنمَسٍ قَرِ لُوتِ فّرّ دَاشِ رَ، 38عَلَكٌ عَ شَ فبَكُ عَ تِفِ رَ. شَ عَ سَ لِ سّرّشّ مُ نُ بَشِ سّرِيّ كِ مَ، نَ كٌتٍ لُمَ هَرُنَ نَن مَ، كْنْ نَ سّبّلِ نَشَن فبَكُشِ عَ تِفِ رَ عَ نِيَمَ نّ عَلَتَلَ شَ نَ سّرّشّ سُشُ.»

39«عِ شَ دٌنمَ كُيٍ بُن مَفٌرٌي فبّتّ دّفّ هَرُنَ بّ سُوَ دُفِ رَ، عَ نُن شُنمَسٍ نَشَن سَمَ عَ شُن مَ. عِ شَ عَ شَ بّلّتِ مَسْشْ عَ تٌقَنيِ رَ. 40عِ شَ دٌنمَ كُيٍ بُن مَفٌرٌي، بّلّتِيٍ، نُن شُنمَسٍيٍ دّفّ هَرُنَ شَ دِيٍ قَن بّ، نَشٍيٍ عٍ شَ بِنيّ نُن عٍ شَ كُنتِفِيَ مَسٍنمَ. 41عِ شَ عِ تَارَ هَرُنَ نُن عَ شَ دِيٍ مَشِرِ نَ كِ، بٍينُن عِ شَ عٍ تِ ﭑ مَ سّرّشّدُبّ وَلِ رَبَدٍ. عِ شَ تُرٍ مَسٌ عٍ شُنيِ مَ، عِ قَ عٍ مَسٍن حَمَ بّ عٍ بَرَ قِندِ سّرّشّدُبّيٍ رَ. 42عِ شَ وَنتَنيِ دّفّ سُوَ دُفِ رَ نَشَن كٍلِمَ عٍ تَفِ هَن عٍ تَبٍ عَلَكٌ عٍ شَ سُتُرَ. 43هَرُنَ نُن عَ شَ دِيٍ شَ نَ مْولِ سٌ عٍ مَ عٍ مَكْرّ مَ سّرّشّبَدٍ رَ تّمُي نَشّ، شَ نَ مُ عَ رَ عٍ نَ هْرْ مْبَنشِ كُي لِ تّمُي نَشّ، ﭑ عِ لِمَ دّننَشّ. نَ نَن عَ نِيَمَ عٍ مُ يُنُبِ سْتْمَ، عٍ تَنفَمَ نّ قَشّ مَ. سّرِيّ نَ عَ رَ نَشَن مُ كَنَمَ عَبَدَن هَرُنَ نُن عَ بْنسْي بِرِن بّ.»

سٌسٌ كِتَابُييٍ؛ تَوُرٍتَ، يَبُرَ، عِنيِلَ

© 2015—Mission Evangélique Reformée Néerlandaise et les Traducteurs Pionniers de la Bible

More Info | Version Index